Førde kyrkje vart vigsla i 1938 og ligg ved Førdespollen i den nordlege delen av kommunen. Kyrkja er bygd i mur og har eit særprega uttrykk som skil seg frå dei eldre trekyrkjene i området. Kyrkja er ein viktig møteplass for kyrkjelyden i Førde og vert nytta til både gudstenester, kyrkjelege handlingar og kulturarrangement.

Litt historie:

Bygginga av Førde kyrkje var resultatet av ein lang prosess. Sjølv om soknepresten hadde halde til i Førde sidan 1873, tok det mange år før bygda fekk eiga kyrkje. Då kyrkja stod ferdig i 1938, heitte ho Vestre Vikebygd kyrkje, eit namn som skapte forvirring fordi det ikkje fanst nokon stad med dette namnet. Bakgrunnen var at Vikebygd sokn vart delt i Austre og Vestre Vikebygd i 1935. Etter mange år med diskusjonar om behov, plassering og finansiering gav kongeleg resolusjon i 1937 løyve til kyrkjebygging i Førde.

I 1981 fekk kyrkja og soknet namnet Førde kyrkje og Førde sokn. Rødkrinsen vart overført frå Sveio til Førde sokn i 1989 etter vedtak med stort fleirtal i begge sokna.